«Нечаянная радость»
Икона Божией Матери «Нечаянная радость»
9/22 декабря и 1/14мая
История этой иконы описана святителем Димитрием Ростовским в его творении «Руно орошенное». Один человек, проводивший жизнь грешную,
тем не менее был привязан к Богоматери чувством благоговейной любви и ежедневно молился пред Её
Святитель Димитрий Ростовский
иконой, с глубокой верой произнося архангельские слова: «Радуйся, Благодатная!..» Однажды,
собравшись идти на греховное дело, он обратился с иконе Богородицы, но тут внезапно напал на него страх, и он увидел, что изображение Божией Матери как будто ожило, а у Божественного Младенца открылись язвы на руках, ногах и в боку, и их них хлынула кровь. В страхе, он пал на землю, и воскликнул: «О, Госпожа, кто это сделал?» — «Ты и прочие грешники вновь распинаете грехами своими Моего Сына», — ответила Божия Матерь. Тогда раскрылась перед преступником бездна его грехопадения. В трепете просил он Владычицу умолить Спасителя об оставлении грехов. На неотступную мольбу Богоматери Божественный Младенец наконец ответил: «Я исполнил Твою просьбу, ради Тебя отпускаются этому человеку грехи». Поднявшись с земли, грешник, получивший не чаянную уже радость прощения, с невыразимой благодарностью облобызал язвы Спасителя. С тех пор он стал вести благочестивую жизнь. Это событие дало повод и запечатлело событие для написания иконы Божией Матери «Нечаянная радость».
Перед этим образом молятся во всех тяжких жизненных и семейных обстоятельствах: при долгой разлуке с родными, в скорбях и унынии, в болезнях душевных и телесных, о прощении тяжких грехов, о рождении детей — обо всем, в чем потеряна всякая надежда на обретение. Внезапное, радостное избавление от бед даруется людям, прибегающим к помощи Пресвятой Богородицы.
Тропарь, глас 4:
Днесь вернии людие / духовно торжествуем, / прославляюще Заступницу усердную рода христианскаго / и притекающе к пречистому Ея образу, взываем сице: / о, Премилостивая Владычице Богородице, / подаждь нам нечаянную радость, /
обремененным грехи и скорбьми многими, / и избави нас от всякого зла, // молящи Сына Твоего, Христа Бога нашего, спасти души наша
Кондак, глас 6-й
Не имамы иныя помощи, / не имамы иныя надежды, / разве Тебе, Владычице: / Ты нам помози, / на Тебе надеемся /и Тобою хвалимся,// Твои бо есмы раби, да не постыдимся.
Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.
Молитва
О, Пресвятая Дево, Всеблагаго Сына Мати Всеблагая, града сего Покровительнице, всех сущих во гресех, скорбех, бедах и болезнех верная Предстательнице и Заступнице! Приими молебное пение сие от нас, недостойных рабов Твоих, Тебе возносимое: и якоже древле грешника, на всяк день многажды пред честною иконою Твоею молившагося, не презрела еси, но нечаянную радость покаяния даровала еси, и усердным к Сыну Твоему ходатайством Сего ко прощению грешника преклонила еси тако и ныне не презри моления нас, недостойных раб Твоих, но умоли Сына Твоего и Бога нашего, да и всем нам, с верою и умилением пред цельбоносным образом Твоим покланяющимся, по коегождо потребе нечаянную радость дарует: да вси на небеси и на земли ведят Тя, яко твердую и непостыдную Предстательницу рода христианского, и сие ведуще, славят Тя и Тобою Сына Твоего со Безначальным Его Отцем и Единосущным Его Духом, ныне и присно и во веки веков. Аминь.
Молитва ко Пресвятой Богородице пред Ее иконою «Нечаянная Радость» (из службы со акафистом)
О Пресвятая Дево, Всеблагаго Сына Мати Всеблагая, града Москвы Покровительнице, всех сущих во гресех, скорбех, бедах и болезнех Верная Предстательнице и Заступнице! Приими молебное пение сие от нас, недостойных раб Твоих, Тебе возносимое, и якоже древле грешника, на всяк день многажды пред честною иконою Твоею молившагося, не презрела еси, но даровала еси нечаянную радость ему и преклонила еси Сына Твоего многим и усердным к Нему ходатайством ко прощению сего грешнаго и заблуждшаго, тако и ныне не презри моления нас, недостойных рабов Твоих, и умоли Сына Твоего и Бога нашего, да и всем нам, с верою и умилением покланяющимся пред цельбоносным образом Твоим, дарует нечаянную по коегождо потребе радость: грешником, погрязшим во глубине зол и страстей, — вседейственное вразумление, покаяние и спасение; сущим в скорбех и печалех — утешение; обретающимся в бедах и озлоблениих — совершенное сих избытие; малодушным и ненадежным — надежду и терпение; в радости и изобилии живущим — непрестанное Благодетелю благодарение; бедствующим — милосердие; сущим в болезни и долгонедужии и оставленным врачами — нечаемое исцеление и укрепление; иждившим от недуга ум — ума возвращение и обновление; отходящим в вечную и нескончаемую жизнь — память смертную, умиление и сокрушение о гресех, дух бодр и твердую на милосердие Судии надежду. О Госпоже Пресвятая! Умилосердися ко всем, чтущим всечестное имя Твое, и всем яви всемощный покров Твой и заступление; во благочестии, чистоте и честнем жительстве пребывающия до последняго их скончания во благости соблюди; злыя благи сотвори; заблуждшия на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстояниих обретающимся незримую помощь и вразумление с Небесе низпосли; от искушений, соблазнов и погибели спаси; от злых человек и от врагов видимых и невидимых защити и сохрани; плавающим сплавай; путешествующим спутешествуй; сущим в нужде и гладе буди Питательница; неимущим крова и пристанища буди покров и прибежище; нагим подаждь одеяние; обидимым и неправедно гонимым — заступление; клевету, поношение и хуление терпящия незримо оправдай; клеветники и хулители пред всеми обличи; ожесточенно враждующим нечаемое подаждь примирение, и всем нам друг ко другу любовь, мир и благочестие и здравие с долгоденствием. Супружества в любви и единомыслии сохрани; супруги, во вражде и разделении сущия, умири, соедини я друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай; юныя уцеломудри, отверзи им ум к восприятию всякаго полезнаго учения, страху Божию, воздержанию и трудолюбию настави; от домашней брани и вражды единокровных миром и любовию огради. Безматерних сирот буди Матерь, от всякаго порока и скверны отврати я и всему благому и Богоугодному научи, прельщенныя же и во грех и нечистоту падшия, скверну греха отъявши, из бездны погибели изведи. Вдов буди Утешительница и Помощница, старости буди жезл, от внезапныя смерти без покаяния всех нас избави, и всем нам христианскую кончину живота нашего, безболезненну, непостыдну, мирну и добрый ответ на страшнем Судищи Христове даруй. Преставльшияся в вере и покаянии от жития сего со Ангелы и всеми святыми жити сотвори, скончавшимся внезапною смертию милостива быти Сына Твоего умоли, и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица, да вси на Небеси и на земли ведят Тя, яко твердую и непостыдную Предстательницу рода христианскаго, и, ведуще, славят Тя и Тобою Сына Твоего, со Безначальным Его Отцем и Единосущным Его Духом, ныне и присно и во веки веков. Аминь.
Источник: «К Богородице прилежны ныне притецем. Молитвы к Божией Матери пред Её чудотворными иконами», — М.: «Духовное преображение», 2015
(48)
